لقاء سونغول وكيفانج على مجلة الصنارة جزء1

لقاء الصنارة

المذيع : مهند إنت هلأ أحد المشاهير في العالم العربي و لو رحت لأي مكان فلسطين ، سوريا ، مصر راح تلاقي إلك معجبين ، و هلأ أغلب فتيات العالم العربي بحلموا فيك ، فا شو هو حلمك إنت ؟ كيف فتاة أحلامك و شو مواصفات زوجتك المستقبلية ؟ يعني شو أحلامك العاطفية هلأ ؟
كيفانش : أنا ما بقدر أحكي أي شي عن الحب هلأ لإنه بيجي للإنسان فجأة ، مثل " خبطة " ( هو حكى بم )
بتقدر تحب حدا في أي مكان ، فا ما بقدر أعطي مواصفات معينة لفتاة أحلامي ، يعني إنه تكون هدا النوع أو هدا الشكل أو هدا الطول أو هدا اللون ، بس أنا بدي أتزوج فتاة تكون جزء من أحلامي .
المذيع : شو هو حلمك ؟
كيفانش : أول شي لازم تكون صريحة ، تانيا : لازم تخليني أحبها " و هون ضحك " و لازم تكون واثقة من حالها .المذيع : و هل راح توخد رأي أمك كمان ؟ كيفانش : أمي دائما في المكان الأول في حياتي .
المذيع : حتى لو غصبتك ؟كيفانش : ما راح يتغير مكانها أبدا ، و برجع بكرر بدي إياها تكون صريحة و تخليني أحبها و توثق بنفسها و هدا كل شي .المذيع : هل راح تسأل أمك بالأول و توخد منها تصريح بالزواج منها ؟ كيفانش : طبعا ، طبعا هدا من العادات و التقاليد و لازم أعمل هيك ، لأنه متل ما بتعرف أنا إجيت منهم و إنت إجيت من أبوك و أمك ، فلازم تسألهم كنوع من الإحترام .المذيع : هل تمانع من الزواج من فتاة عربية ؟كيفانش : ممكن ، ما حدا بعرف
المذيع : هل حبيت من قبل ؟كيفانش : من قبل ؟ أنا إنسان طبيعي و كان إلي العديد من العلاقات العاطفية سابقا .
و هلأ ، هلأ أنا عندي .. " و هون صار يحك أنفه " شريكة رائعة في حياتي .
المذيع : يعني لهاي اللحظة عندك هاي الشريكة .كيفانش : آه لهاي اللحظة .
المذيع : و إنت ناوي تتزوج منها في يوم من الأيام ؟كيفانش : هاي أمور خاصة ، فلازم تضل بينا " و هون ابتسم " ، و مين بعرف ؟ يعني إحنا هيك مخططين بس مين بعرف ؟
المذيع : بدي أخبرك شي ، قرأت في العديد من الجرايد العربية ، إنه صار العديد من حالات الطلاق في أغلب البلدان العربية ، بعد ما الزوجات شافوك ، يعني بسببك . و هون مهند ما فهم ، فرجع المذيع عاد ، صار كتير حالات طلاق في البلدان العربية و كان السبب مهند ، " و هون كيفانش ضحك " المذيع : قرأت هدا الشي ؟
كيفانش : هدا شي بضحك المذيع : بضحك بس صار ، فبرأيك كيف هدا الشي ممكن يصير ؟كيفانش : لأ ما بحب أنحط في هدا الموقف ، و هلأ بحكيلك ، لأ الموضوع ما بضحك ، بس كيف بدي أحكي ، يعني إحنا ما بنمثل شخصياتنا الحقيقية في المسلسل ، بنمثل شخصيات تانية " و هون كانت جاي الكاميرا على نور و عيشة و هني عم بتفرجوا على المجلة " ، يعني بقدروا يشاهدونا بسعادة من خلال مشاريعنا التمثيلية ، بس بدي أحكي إنه هاي مو حياتنا الحقيقية " و هون كانت الكاميرا كلوز على وجه نور " المذيع : هل كنت بتتوقع نجاح المسلسل كل هدا النجاح في الوطن العربي ؟ كيفانش : نعم لما دُعينا للذهاب إلى mbc في دبي في الإمارات و كنا نتحدث عن الموقف في شهرة المسلسل ، يعني هني خبروني شوي ، بس هناك ما كنت متوقع كل هاي الضجة الإعلامية للمسلسل في الشرق الأوسط ، بس كتير حلو هدا الشي و إنه تشعر إنه في صداقة و حب لطاقم المسلسل و اللي بدي إياه منهم إنه يضلوا يتابعونا و يحضروا مشروعنا التلفزيوني القادم .



هاذا صار في اسطنبول وهلاء راح نزل الجزء الثاني

ردود اي ماتنسوا